الأربعاء، 5 ديسمبر 2012

مصر بلدنا ... الأديبة الشاعرة سوزان وهبه

هو احنا شعب كده ما بيعيشلناش حكام
عقبال جيرانا وحبايبنا كمان يا سلام
لو كل من له رئيس نصحى نلاقيه قلبه
يا مصر لسه ولسه الثورة بلة ريق
ما ينتهيلك طريق الا ويبدا طريق
يا شعب مصر تعالى نتفق يا شقيق
رج الملك قبل ما تنعم عليه بلقبه
رجه كده شوفه ان كان الملك شغال
واسأل عليه المكوجي واسأل عليه البقال
واهم حاجة في صفاته انه يكون يتشال
متربي عال لما يمشي يلتزم ادبه
بتكون في احسن حالاتك وانت مش محكوم
بتبقى رايق ولا ظالم ولا مظلوم
بعدين ده ايه الغبي ده اللي يهددك بالشوم
يا مخلي الف احتلال ينزل على ركبه
يا شعب انت اللي كارم كل من حكمك
الدولة دي عارفة تحكم بس من كرمك
كشر لها وهي حتجيلك تبوس قدمك
مافيش حاجة اسمها مليون راجل اتغصبوا
سايق عليك النبي ما تقول كفاية يا شيخ
الملحمة لما تخلص يبدأ التاريخ
وبكرة جاية حروب فيها بكا وصريخ
وبكرة نصرك يخض الشمس من لهبه
سايق عليك النبي ما تقول كفاية كده
من النهاردة انتصاراتك حتبقى كده
يا شعب مصر اللي رجالته وبناته كده
حلال عليه لبن العصفورة لو طلبه
سايق عليك النبي ما تقول كده كفاية
إفرح وكمل وما تقولشى كده كفاية
الثورة دى بداية زى الهجرة والميلاد
الثورة دى بسملة كمل بقى الآية تحياتي بقلم الاديبه سوزان وهبه

رسمتك بخيالى !! .. صلاح يحيى





رسمتك بخيالى!!
رسمتك صورة في خيالي بريشة حبي ..
رسمت فيها شوقى الليك
نقشت رسمها في قلبي ..
بالوان عشقي لوحة زيتية علقتها في ذاكرتي ..
 فطوقتها بذراعي حتى تفجرت مشاعري  ..
وعلى وادى الأحلام انسج حلما .. يصور لقاءنا فأراك.
وعلى وجهك أبتسامة حب صادقة ..
عندما تتحرك الريشة على شفتيك ..
فتلتقط حروف أسمى لتناسب صوتك..
فكم يعجبني فيك صمتك وعنادك وكبرياؤك ..
يكفيني ان اراها تنطق من بين عينيك صمتا وكبرياء..
الا تقوليها……؟؟؟ انها كلمة واحدة …؟؟؟
ولكن ربما هو الكبرياء والانفة ….
لقد علمتيني ان اعاند الياس … ان اعشق السكوت ….فابقى صامتا 
يا اجمل شيء في الوجود …. يا دواء لعلتي ..
يا سعادتي ومبتغاي……. احبك انت وحدك ..
حبك يتملكني….. يسيطر على اعصابي ..
يجعلني في عالم اخر هو عالم الاحلام والتمنيات ..
الا تقوليها … ؟؟؟
ساقولها انا وعلى مرأى ومسمع الدنيا كلها ….
سا قولها لك انت وحدك ….
احبك انت احبك وحدك ….
ولا احب في الكون احدا سواك..
أجد روحى ترفرف ودمعى ينزف وقلبى يرجف وجسمى يرتعد
 لأنى أحببتك بصدق .. ومن أجلك أحببت..
فأنت العقل الذى أفكر به..
والقلب الذى اعيش من أجله..
لآننى أراك فى كل لحظة فى حياتى..
فى الصورة التى رسمتها لك فى خيالى .
صلاح يحيى ..تحياتى